Иако постојат многубројни позитивни промени кои ги бараме во животот – нова врска, промена на имиџ, автомобил – за повеќето од нас претставува неизвесност. Со неизвесноста доаѓа несигурноста и загриженоста. Промената не е секогаш пат по кој трагаме, таа е и составен дел од нашиот живот.
Повеќето од нас сакаме одредени промени во животот иако истовремено се плашиме да го направиме првиот чекор. Во тоа најмногу не спречува времето. Како да знаеме кога е вистинското време за да направиме некоја промена?
- Кога го идеализирате минатото за да избегате од сегашноста. Запрашајте се зошто се плашите од соочувањето со сегашната ситуација. Можеби токму во овој момент е потребно да промените нешто во вашиот живот и конечно да го оставите минатото зад вас и среќни да живеете во сегашноста.
- Кога бегате од неочекуваните можности, од страв од непознатото или поради тоа што ќе кажат другите. Наместо да се придржувате до она што не функционира, бидете отворени за да го „пуштите“, со цел да направите простор за работите кои функционираат.
- Кога се чувствувате рамнодушно. Рамнодушноста воопшто не е добра во животот, затоа што тоа е прв знак дека сме изгубиле страст и мотивација. Пробајте да правите работи кои ги сакате и многу брзо ќе се почувствувате подобро.
- Кога сте ја изгубиле страста за моменталната ситуација. Бидете спремни да се откажете од работите кои веќе не ви служат. Одредени ситуации, места, хоби, па дури и луѓето имаат свој рок на траење во нашите животи. Како што созревате и се менувате, така се менуваат и вашите страсти.
Кога вашите дела не се совпаѓаат со вашите зборови. Вашите дела секогаш ќе бидат погласни од вашите зборови. Ако не го правите она што го кажувате, запрашајте се зошто не го исполнувате она што го ветувате.
Кога врската ќе стане површна. Понекогаш прекинувањето на контактот со најдобрата пријателка или романтичниот партнер е најдобрата работа за вас.
Кога ќе почувствувате дека сте разочарани од животот. Останувањето во ситуации кои веќе не се како на почеток, само ќе ви предизвикуваат чувство на неудобност. Допуштете си себеси да го пратите своето срце и зачекорете во својата иднина.
- Кога почнувате да се лажете себе и другите за да ја избегнете вистината. Лажењето создава внатрешни немир, срам и чувство на кривица. Наместо да лажете запрашајте се од што бегате и што е тоа што ви е страв да го признаете.