Луси Еткен Ред е блогерка која пишува за убавина, но и жена која не ја измила својата коса со шампон цели две години. Откако го фрлила шампонот косата и е посјајна од кога и да е. Сега користи само вода или природни замени за шампон.
Многумина до сега го искусиле овој метод, за кој е потребно навистина голема храброст. Луси решила да се откаже од шампонот кога почнала да работи во една хуманитарна организација, бидејќи косата веќе почнала да и изгледа безживотно.
- Отсекогаш сум се прашувала дали е вистина урбаната легенда дека ако престанеш да ја миеш косата со шампон таа ќе почне сама себе да се мие. И кога станав мајка почувствував дека треба да се осигурам што е она што го користам за мојата коса и тело, но и за телата на моите деца, изјавила Луси.
Шампонот ги отстранува природните масла од косата, кои го регенерираат скалпот да создава повеќе масла. Преку ова косата станува помасна, при што мислите дека треба многу почесто да ја миете, што е сосема погрешно. Ако не употребувате шампон, природниот баланс ќе се врати и косата сама од себе ќе почне да се чисти.
Луси има напишано книга „Happy Hair“ токму за овој нејзин метод. Во книгата го открива и лошиот период низ кој ќе треба да поминете, а тоа е дека на косата и треба време да се навикне дека треба сама да се мие. Во тој период освен што е многу масна, таа почнува и да заплеткува. Но, доколку сте упорни, можете да ја покривате со марами и капи, па наскоро вашата коса ќе стане многу здрава и сјајна.