Актерката Хали Бери се наоѓа на листата на најзгодни и најзатегнати дами во Холивуд, а тоа е така со причина!
Оваа убава 47-годишна актерка која е горда мајка на две деца ја открива секојдневната рутина која е заслужна за нејзиниот изглед. Таа има свој режим на вежбање до кој стрикно се држи, а притоа и секојдневно „трча“ со своите деца.
Пет дена во неделата по 25 минути актерката интензивно вежба со личен тренер. Тренингот вклучува кардио вежби, кик бокс, пешачење или трчање нагоре-надолу по скали, како и кревање на тегови. Една ваква нејзина сеанса е еднаква на лесно темпо на вежбање од еден час.
Што вие може да преземете и да пробате?
Секојдневно правете серија вежби кои се наменети за абдоминалните мускули на струкот. Застанете со благо раширени нозе и наведнете се кон лево, па на десно, со рацете на струкот и без мрдање на колковите.
Исто така, секојдневно вежбајте ги мускулите на рацете. На пример земете шише вода, споете ги рацете во лактовите, раширете ги нозете така што стапалата ќе ви бидат во ширина на рамениците и кренете го шишето во вис, па лево и десно.
Со цел да ги зацврстите мускулите на нозете, клекнувања и еден чекор кон напред се вистинска работа. Правете три серии по 12 клекнувања и чекор напред.