Не вежбавте напорно за да го зацврстите телото, а ве очекува костумот за капење, кој треба наскоро да го облечете? Без грижи, со помош на неколку производи за убавина можете да го лажирате вашето тело!
Раце
Играта светлина и сенка може да направи чудо на надлактиците кои немаат доволен тонус. Два дена пред да одите на плажа, користете крем за самопотемнување и тоа само на надлактиците. Додека сте на плажа бицепсите премачкајте ги со масло или некој течен крем. Така вашите раце ќе изгледаат подолги и подефинирани отколку што се.
Тен
Колку што е кожата потемна, толку помалку се гледаат недостатоците. Со употреба на светол кармин направете добар контраст во однос на вашиот тен. Најдобро е карминот да биде во природни и потопли тонови, како што е црвената, портокаловата или боја на корали. Ако веќе се одлучите да се нашминкате на плажа, немојте да изгледате како кловн. Користете малку шминка, речиси воопшто маскара и малку црвенило. На овој начин ќе внесете свежина на вашето лице, а кога ќе влезете во вода ќе знаете дека нема да изгледате како плашило.
Задник
Мазната кожа е загарантирана за добар задник, а кога се работи за задникот никогаш не му е доста од пилинг. Освен што ќе ги отстранете мртвите клетки, јаката ексфолијација ќе ја забрза циркулацијата и моментално ќе ви го поправи тонусот. Секое утро пред да одите на плажа, со четка од меки влакна направете пилинг и затегнете ја кожата. Внимавајте тоа да го правите еден час порано, за да не излезете со зацрвенета задница.
Грб
Потемнетата кожа дава илузија дека имате помалку килограми, затоа немојте да заборавите ни на грбот. Најдобро би било да намачкате крем за самопотемнување некое време пред да се појавете на плажа.