Страста е важен дел од една љубовна врска, па кога ќе започне да исчезнува нештата не ретко започнуваат да се развиваат во погрешен правец. Сепак, припадничките на понежниот пол кои веќе се во брак, најчесто го решаваат проблемот наоѓајќи си љубовник наместо да ја завршат приказната со развод.
Според едно истражување спроведено врз 100 брачни парови дури 67 проценти од жените би се определиле за вонбрачна авантура со цел да внесат малку страст во својот живот.
Професорот Ерик Андерсон од Универзитетот од Винчестер објаснува дека колку подолго трае врската толку повеќе се намалува нејзиниот квалитет и зачестеноста на сексуалните односи. Па затоа и во сосема нормалните бракови каде што нема општо незадоволство може да се случи да дојде до изневерување поради недостиг на страст.
За среќа жените кои се решаваат на овој чекор, не планираат развод бидејќи на своето неверство гледаат како на мала авантура која не значи ништо сериозно, туку само им го враќа чувството дека се посакувани.