Она за што некогаш се мислеше дека е неможна модна комбинација, сега е посакуван и тренди моден аутфит.
Силните бои споени со лудо добри комбинации ги обожаваат светските дами, а се случува и по некоја домашна трендсетерка да ја забележи на нашите улици како носи силни бои кои дречат од далеку.
Дури и оние кои играат на сигурно и сакаат монохроматски комбинации, започнаа барем да носат по некој силен детал.
Живите бои измешани во откачени комбинации, можат да изгледаат многу секси, провокативно, па дури и елегантно, а тоа добро го знаат Софија Вергара, Оливија Мун, Алесандра Амбросио, Никол Шерцигер и други.
- Да, живите и силните бои се одлични за комбинација и за разлика од минатото, сега тие се тотално ин. Најпрвин овие комбинации прошетаа по модните писти, за потоа со мало закаснување ги прифатат селебрити девојките кои се и тоа како активни насекаде во медиумите.
Сега, овие силни живи бои можеме да ги видиме насекаде околу нас. Би рекол девојките да не се мислат и да ги прифатат т.н. живи комбинации бидејќи навистина се и ќе бидат голем тренд, вели популарен моден критичар од Њујорк.
Доколку не сте вљубеник во боите, а сакате да ги следите трендовите, за успешен стајлинг ќе ви биде доволен некој силен моден додаток, како високи потпетици, балетанки или пак торба.
Доколку тоа е премногу, тогаш едно упадливо ланче или прстен, кој пак би можеле да покажат дека имате малку модна храброст.
