Последното доделување на Еми наградите во Лос Анџелес не донесе посебни модни изненадувања. Судејќи по изборот на едни од најпознатите жени во шоу бизнисот, оваа година акцентот падна на црвените фустани кои се претопуваа во бојата на црвениот тепих.
Кристина Хендрик ги скроти своите бујни облини во гламурозна креација од колекцијата на Marchesa.
Хајди Клум избра нешто едноставно, а сепак секси. Фустанот од нејзиниот омилен дизајнер Zac Posen совршено се вклопи во целата атмосфера.
Актерката Џенуари Џонс беше вистинска драма кралица во прекрасниот модел од Prabal Gurung.
Клер Дејнс остана верна на Givenchy, па можевме да ја видиме во тантелен фустан од колекцијата на овој моден бренд.
Колумбиската ѕвезда, Софија Вергара, го избегна црвениот тренд, но затоа заблеска во бела боја. Џулија Робертс, која вообичаено избира подолги фустани, овој пат реши да покаже нога и тоа во мошне интересен модел од Elie Saab.
Како изгледаше преостанатиот дел од холивудската елита погледате во прилог.