Светот е во постојана потрага по вечна младост и убавина. Никој не сака да се помири со процесот на стареење, особено оние кои можат да си издвојат голема сума на парични средства за да изгледаат убаво.
Еве какви напитоци можат да се најдат во специјализираните светски продавници, од каде ги набавуваат и холивудските ѕвезди, во обид да им се спротистават на годините и законот на гравитацијата, а се достапни за сите граѓани кои можат да си ги дозволат.
Sea buckthorn напиток
Ефект: природно пеглање на брчките
Овој напиток дава инстантен ефект против стареење. Малата портокалова бобинка која се наоѓа на Хималаите, со која се прави овој напиток, е ултра богат извор на бета-каротен, кој го зголемува сјајот на кожата и произведува здрави масти, кои ги намалуваат брчките.
Комбинација на ѓумбир, лимон, чили и куркума
Ефект: силен имунитет
Ѓумбирот, кој е основа на овој напиток, се бори против вируси, лимонот додава витамин Ц, а куркумата дополнително го зајакнува имунитетот. Чилито, пак, го активира метаболизмот.
Разубавувач
Ефект: беспрекорна кожа
Ѕвездите како Дру Баримур и Риз Витерспун се редовни консумирачи на овој напиток чија формула е создадена од познатата нутриционистка Кимберли Снајдер, одредувач на режимот на исхрана на голем број ѕвезди.
Разубавување на кожата е крајниот ефект кој го дава овој напиток. Тајната се крие во спирулината, која му помага на телото да се ослободи од токсините и штетните материи, со што ја прави кожата мазна и младешка. Додатокот на кокосово млеко овозможува благ и убав вкус и придонесува за хидратизација.
Напиток со хлорофил
Ефект: опоравување на телото
Ефектот кој се постигнува со оваа формула е инстантно опоравување на телото од напорен тренинг. Хлорофилот, кој им ја дава зелената боја на растенијата и ја апсорбира енергијата од сончевите зраци, го зголемува бројот на црвени крвни зрнца. Тоа автоматски значи поголема количина на кислород која доаѓа до сите клетки на телото, што придонесува за побрзо опоравувње на мускулите после физичка активност.
Блејк Лајвли, Гвинет Полтроу и Овен Вилсон се дел од оние кои редовно го набавуваат овој напиток.
Големиот дадаизам
Ефект: инстантна енегрија
Направен со концентрат од билката мате, збогатен со витамин Б12 и посебни „goji“ бобинки, овој напиток, кој изобилува со антиоксиданси, е направен за да го снабди телото со инстантна енергија.