Кој вели дека црвенокосите мажи не можат да бидат секси? Токму таа потврда е тема на изложбата на еден американски фотограф, кој и самиот има природно црвена боја на косата.
- На сите ни е врежана мислата во глава дека не постојат атрактивни мажи со црвена коса, но тие навистина шетаат низ улиците, открива 31-годишниот фотограф Томас Најтс.
На неговата соло изложба, која се отвори во Њујорк, тој презентира фотографии од 40 црвенокоси мажи за да ги предизвика стереотипите и да докаже дека и тие можат да бидат секси материјал.
- Црвенокосите актери најчесто портретираат гневни и исфрустрирани ликови, слабаци, или негативци. Тие никогаш не се главните херои и заводници, создавајќи неоснована слика во главите на луѓето дека сите мажи со црвена коса се грди и непосакувани. Сакам да му покажам на светот дека тоа воопшто не е така, вели тој.
Крајната цел на оваа изложба, наречена „RED HOT“ е да ги разбие копмлексите на овие мажи настанати токму поради бојата на нивната коса и тие да се чувствуваат самоуверено, како што им доликува.
