GQ наградите за мажи на годината несомнено се настан на кој целото внимание треба да биде фокусирано кон посилниот пол од светот на шоу бизнисот. Но, оваа година жените ја засенија машката дружина и блеснаа во полн сјај на црвениот тепих.
Модна ѕвезда на вечерта е Ким Кардашијан, која за оваа прилика реши да направи прилично храбар и ризичен потег, носејќи луксузно - провокативна креација, здолниште од Ralph & Russo комбинирано со латекс деколте од Atsuko Kudo и потпетици од Tom Ford.
Таа се појави пред фоторепортерите заедно со својот сопруг, Каније Вест, кој во текот на целата вечер не можеше да ги оттргне рацете од неа.
Уште една од дамите кои изгледаа совршено на црвениот тепих беше Рита и Ора во гламурозен фустан со шлиц од едната страна, дел од колекцијата на Zuhair Murad.
Нескладно облечениот Луис Хамилтон остана речиси незабележан покрај елегантната Никол Шерцингер која изгледаше мошне привлечно во бледо розовата креација на Ermanno Scervino.
Во прилог може да погледнете како изгледаа преостанатите дами на црвениот тепих, како и што избраа мажите кога станува збор за облеката.