Густата и здрава коса е симбол за убавина по кој мечтае секоја жена. Но, повеќето од нив се плашат да отидат на фризер за да не им биде премногу скратена должината, не земајќи го во предвид фактот дека всушност на тој начин се одржува косата здрава.
Ви претставуваме 4 трикови кои ќе го забрзаат растот на вашата коса и ќе ја направат погуста и посилна.
Бадемово и кокосово масло
Овие два вида на масло одлично ја хранат вашата коса. Доволно е да ја измасирате вашата глава со околу 6 капки од овие масла, а можете и да ги помешате. Завиткајте ја косата во крпа и оставете да впие околу 30 до 60 минути, а потоа измијте.
Желатин
Помешајте едно пакетче желатин со шампонот кој го користите. Желатинот содржи протеини кои ќе го забрзаат растот на вашата коса и ќе ја направат погуста.
Витамини Ц и Е
Вашата исхрана може да има големо влијание на растот на косата, па затоа консумирајте храна која е богата со витамините Ц и Е. Витаминот Ц ќе го најдете во цитрусите, доматите, пиперките, јагодите и брокулите. Витаминот Е, пак, во голема количина ќе го најдете во спанаќот, оревите, авокадото, рибата и тофу сирењето.
Јаболков оцет
Исплакнете ја косата со јаболков оцет пред миење и притоа внимавајте да не ви влезе во очи. Можеби ќе ви биде потребна поголема количина на шампон за да ја отстраните миризбата на оцетот. Истиот содржи многу витамини и ги отстранува мртвите клетки од фоликулите на косата, кои го спречуваат нејзиниот раст.