Холивудската убавица, Скарлет Јохансон, е една од оние жени кои ги обожавате поради својата едноставност и вроден сексапил. Како и секоја друга жена, така и таа има неколку нешта кои се дел од нејзината секојдневна рутина за разубавување.
Никаде без својот омилен парфем
Парфемот е едно од најважните оружја за заведување. Доколку сакате да го привлечете вниманието на мажите, секогаш со себе носете го шишенцето од својот омилен парфем, кој треба да ви биде при рака во секоја ситуација.
Миризлива купка за миризлива кожа
Јохансон ги обожува купките на база на лаванда кои одлично и прилегаат на нејзината кожа. Ако се уште не користите купка или пак немате омилена, редно време е да ја пронајдете.
Правилата се за кршење
Едно од најважните правила во шминкањето, е кога ги нагласувате очите, да не ги нагласувате усните. Но, Скарлет не се согласува со тоа и честопати докажува дека доколку ги изберете вистинските нијанси, се е возможно.
Магијата на јаболковиот оцет
Јаболковиот оцет може да се користи за најразлични намени. Оваа русокоса го употребува како тоник за чист тен.
Перика наместо постојано фенирање
За разлика од другите познати дами кои уживаат да го поминуваат времето во фризерски салони и со лични стилисти, Скарлет ја штеди својата коса, па на снимањата често користи перики, наместо да прави драстични промени.
Вештачки трепки?
Вештачките трепки ги истакнуваат очите, но сепак се вештачки. Затоа, секогаш е подобро да изберете добра маскара која ќе ја нанесете слој по слој, со нагласување на надворешните агли на очите.
Заколната русокоса
Не плашете да експериментирате со бојата на вашата коса. Откако ќе ја пронајдете идеалната нијанса која совршено ќе му одговара на вашиот тен држете се до неа.