За вистинска и природна „сопствена“ козметика потребно е малку пари и многу слободно време.
- Прво, претресете ја кујната и шпајзот: тука ќе најдете сè што ви е потребно. Овошје, зеленчук, јогурт, зачини... Со малку трпеливост, фантазија и подготвеност ќе го вратите сјајот на својата кожа
Сува кожа
Измиксирајте неколку моркови и во сокот измешајте една лажица павлака и лажица мед. Смесата нанесете ја на лицето и вратот и оставете ја 20 минути. Измијте ја со вода.
Чувствителна кожа
Чајот од камилица секогаш ќе и помогне на чувствителната и раздразнета кожа. Освен камилицата, корисна е и жалфијата: ставете грст листови од жалфија во литар вода и оставете ја да се вари додека не добиете течен концентрат. Ставете ја течноста во шишенце кое добро се затвора и користете по некоја капка за мачкање на лицето.
Мрсна и сјајна кожа
Сокот од ананас и неколку капки глицерин се состојки на емулзијата со која наутро и навечер ќе ги масирате лицето и вратот. На овој начин ја нормализирате премногу мрсната и сјајна кожа.
Црвени очи
Направете јак чај од камилица, ставете во него китка магдонос. Во течноста натопете две парчиња памук и држете ги 15 минути на затворени очи.
После туширање
Во литар вода проварете 3 - 4 грстови листови од праска. Кога ќе се излади, истријте го целото тело.