Жените сакаат мажи на своја возраст, додека мажите ловат нешто помладо. Истражувањето што го спроведе Або Академи универзитетот од Турку, јужна Финска врз 12 500 луѓе покажа дека за повеќето жени идеалниот партнер е маж на иста возраст или неколку години постар од нив.
За разлика од жените, мажите сакаат младо пилешко без разлика на својата возраст. За припадниците на посилниот пол идеалната жена е во средината на своите 20-ти години, односно да има 24 или 25 години. Овие жени се најпосакувани затоа што се најплодни, а со тоа имаат и најголеми шанси за потомство.
Јан Антфолк, еден од истражувачите кои работеле на студијата, вели дека жените со поголема веројатност ќе изберат малку постар маж од себе бидејќи постарите мажи најчесто имаат повеќе пари и нудат поголема стабилност, за разлика од помладите.