Губитокот на коса погодува голем дел од машката популација. На почетокот, соочувањето со овој проблем го доживуваат трагично и депресивно, но кога мажот еднаш ќе сфати дека ништо не може да направи околу тоа и ќе се помири, дури тогаш може да стане свесен за добрата страна на мазната глава.
Да видиме, во што се подобри мажите кои немаат коса од останатите?
Подобри љубовници
Колку повеќе тестостерон лачи машкото тело, толку му е на мажот поретка косата. Високото ниво на тестостерон, пак, е поврзано со поизразени сексуални потреби кај мажите, додека ниското ниво на овој машки хормон значи намалена желба за секс и повремени проблеми со ерекција.
Имаат помали шанси да добијат тумор на тестисите
Во студијата објавена во International Journal of Andrology, откриено е дека ќелавите мажи имаат помали шанси за појава на тумор на тестисите, а тоа исто така се должи на високото ниво на тестостерон, кој има заштитно дејство.
До поголем израз доаѓаат останатите плусеви
Крупните очи, убавите заби или долгите трепки кај ќелавите мажи се поизразени отколку кај оние со коса.
Подобри се во спортот
Кога ќе размислите малку, ќе увидите дека повеќето успешни спортисти всушност се ќелави. Сетете се на Мајкл Џордан, Шекил О’Нил, Андре Агаси, Зинедин Зидан, Карима Абдул Џабар...
Полесни се за одржување
Мажите кои немаат коса не трошат пари на скапи препарати за одржување на косата, а исто така нема да ви го окупираат купатилото наутро обидувајќи се да си ја средат бушавата глава.
