Има денови кога косата едноставно ни изгледа ужасно, а нашата самодоверба се сведува на нула. Пред да помислите дека е крајот на светот, сепак има нешто што можете да направите со косата и да си ја вратите насмевката на вашето лице.
Оваа фризура со романтично опавче ќе ја направите за 5 минути, а ни ја претставува Кејли Мелиса на YouTube. Таа нагласува дека истата се прави лесно и брзо и дека е соодветна за секаков вид на коса.Сепак, доколку сакате поромантичен изглед, најубаво ќе изгледа доколку од половина па надолу прамените ви се благо свиени.
Чекор 1
Издвојте еден поголем прамен од косата од делот над увото, како и еден позади увото. Направете го истото и од другата страна, па издвоените предмети оставете ги напред, а остатокот од косата назад.
Чекор 2
Преостанатата коса зачешлајте ја наназад, така да има малку повеќе волумен. По желба можете и да ја истапирате косата кај темето, за да добиете поголем волумен.
Чекор 3
Косата позади темето зацврстете ја со шнолки, за да не се раздвојува во прамени кога ќе врзете опавче.
Чекор 4
Останатата коса која не е издвоена во четирите предни прамени, врзете ја со тенко ластиче во ниско опавче.
Чекор 5
Праменот кој го издвоивте од делот позади увото префрлете го преку ластичето со кое е врзана косата. Праменот ставете го под опавчето и закачете го со шнола, така што краевите од косата излегуваат под опавчето.
Чекор 6
Истото направете го и со праменот од другата страна, па потоа и со преостанатите два предни прамени. Кога ќе го префрлите последниот прамен, косата прекријте ја со шноли.
Чекор 7
Средете ги прамените околу лицето и вашата фризура е готова!
За да ви биде постапката појасна, погледнете го видеото: