Сакале или не, промената на годишното време влијае врз нашата кожа и врз нејзиниот сјај. Ветрот, влажноста и постуденото време налагаат поинаку да се грижиме за кожата и да ја заштитиме од атмосферските влијанија.
Токму затоа ви предлагаме 3 есенски маски за лице кои можете да ги направите во својот дом и кои ќе ви помогнат да ја задржите својата кожа беспрекорна.
Маска од јаболка
Јаболката се богати со витамин C, помагаат во регенерацијата на кожата и во одржување на здравиот сјај. Освен тоа се мошне корисни при спречување на иритација и воспалување на кожата.
Земете едно јаболко, излупете го и ставете го во блендер или процесор за храна. Во тоа додадете 2 лажици мед и направете каша која потоа ќе ја ставите на исчистено лице. Оставете да делува од 10 до 15 минути, па исплакнете со млака вода.
Маска од тиква
Тиквата изобилува со витамини А, C и Е кои ги пеглаат брчките и го враќаат младешкиот изглед.
Измешајте 100 грама тиква со половина чаша јогурт и во тоа додадете една лажичка мед и една лажичка маслиново масло. Вака направената маска ставете ја на лицето и оставете да делува 10 минути. Потоа измијте го лицето и нанесете крема.
Маска од брусница
Брусницата е одлична за вашата исхрана, но и за вашата кожа затоа што ја одржува кожата свежа и се справува со слободните радикали. Освен тоа може да се користи и за ексфолијација.
Во блендер ставете една чаша брусница, 2 лажици лимонов сок и желатин и добро измиксајте додека не добиете паста, која ќе ја оставите во ладилникот барем 10-тина минути. Потоа нанесете ја на лицето и оставете да дејствува 15 минути, па измијте се.