Џенифер Лопез, Хали Бери, Кристи Бринкли и ред други познати дами од светот на шоу бизнисот имаат повеќе од 40 години, а изгледаат како времето да оди наназад за нив.
Отсекогаш сме се прашувале кои се малите холивудски трикови со кои се бришат брчките и годините. Се разбира дека ботоксот и најразличните третмани си го прават своето, но постојат нешта кои имаат сличен ефект, а не вклучуваат употреба на хируршки нож.
Детоксификација и посебна исхрана
Убавина навистина доаѓа од внатре. Речиси сте жени кои ги гледаме на црвениот тепих применуваат посебен начин на исхрана и режим на вежбање. Најчесто се применуваат диети на база на свежи продукти, а се избегнуваат шеќери и брза храна. Џенифер Лопез трча, вежба во теретана и ја обликува својата фигура на часови по танц, додека оскаровката Хали Бери користи мали тегови и редовно прави клекнувања со цел да го одржи тонусот на своите нозе.
Боја и должина на косата
Еден од триковите за одржување на младешки изглед е во бојата и должината на косата. Ако ги погледнете ѕвездите ќе забележите дека како што стареат, ја бојадисуваат косата во светли нијанси и никогаш не прават радикални потфати со должината. Светлите прамени секогаш се добар избор доколку сакате да внесете свежина и да го подмладите лицето.
Квалитетна козметика и домашни третмани
Доколку треба да изберете помеѓу квалитетна козметика која чини повеќе и поевтина верзија која го нема истиот ефект, инвестирајте во поскапата. Познатите дами никогаш не прават компромис со својата убавина. Сепак, нивната козметички решенија не секогаш чинат илјадници долари. Повеќето ѕвезди над 40 години користат ретинол бидејќи го стимулира создавањето на колаген и со тоа помага во враќањето на сјајот и мекоста на кожата.
Освен тоа се препорачува и редовен пилинг за отстранување на мртвите клетки од површината на кожата. Истиот може да се направи во домашни услови од сосема природни и здрави состојки кои се одлични за кожата.