Војвотката од Кембриџ има стил на кој може да му се подзавиди. Без разлика каде и да се појави, секогаш ја носи вистинската комбинација на бои и модели, па токму поради тоа за кратко ги освои симпатиите на жените и прерасна во икона на стилот.
Кејт балансира помеѓу елеганцијата и едноставноста, парчињата облека ги носи повеќе пати и соработува со неколку омилени дизајнери.
Најчесто носи сина боја, а веднаш по неа и е црвената. Од модните брендови најмногу ги преферира LK Bennett, Alexander McQueen, Jenny Packham, Temperley и Zara.
Она што можеби не сте го знаеле за Кејт е дека кога ги носи шеширите кои се препознатливи за британската мода, шеширот секогаш и е под агол од 50 степени бидејќи така најдобро го истакнува нејзиното лице.
Просечна големина на нејзините чанти се движи од 132 до 192 мм, а што се однесува до чевлите, војвотката обожува да ги носи високите потпетици од Stuart Weitzman како и оние од Jimmy Choo.