Султанот на префинетоста чии креации ги носеа сите први дами на САД почнувајќи од Џеки Кенеди, па сè до Мишел Обама, замина во историјата на 82-годишна возраст.
Оскар де Ла Рента, несомнено ќе остане запаметен како еден од најпознатите дизајнери на своето време, кој помина повеќе од половина век создавајќи креации кои пленат со својата драматичност и убавина.
На 18-години го покажа својот интерес за модата и талент за дизајн, па за кратко успеа да работи за големите шпански модни куќи. Во текот на својата долгогодишна кариера стана препознатлив како човекот кој е специјализиран за вечерни тоалети и фустани за на црвениот тепих. Гламурот на неговите креации беше како создаден за светот на богатите и славните. Тој и беше омилен дизајнер на Тејлор Свифт, како и на многу други дами од шоу бизнисот. Последната креација која ја дизајнираше беше венчаницата Амал Алмаду, сопругата на Џорџ Клуни.
-Единствените вистини во животот се дека ќе се родиш и ќе умреш. Секогаш мислиме дека ќе живееме вечно. Никогаш нема да прифатиме дека мораме да умреме. Ова нè предупредува да го цениме секој ден од животот, изјави тој во една прилика.
Де ла Рента зад себе остави цела модна империја и како што ќе кажат неговите колеги „дефинираше стандард кон кој преостанатите можат само да се стремат“.
Тејлор Свифт
Ема Вотсон
Џесика Алба
Анџелина Џоли
Карли Клос
Пенелопе Круз
Камерон Дијаз
Ејми Адамс
Амал Клуни