Доктор Оз советува: Како најдобро да се справите со мозолчињата?
Мозолче на вашето лице? Кога ќе го здогледате просто посакувате да го истискате?
Познатиот доктор Мехмед Оз го презентираше најдобриот и најбезболниот начин за справување со мозолчиња. Тој гостуваше во емисијата на Опра Винфри каде демонстрираше како да се отстрани мозолчето без да се оштети кожата или да се предизвика уште поголема инфекција.
-Никогаш не го стискајте мозолчето со прсти, вели доктор Оз објаснувајќи дека со притискање на здравата кожа околу гнојот во суштина ја оштетувате.
Оз вели дека наместо со нечисти прсти да го стискате гнојот, подобро е да земете игла дезинфицирана со алкохол и да го прободете мозолчето на определен начин.
-Важно е да не го бодете. Наместо тоа поставете ја иглата паралелно со кожата и пободете го мозолчето од едната до другата страна. Потоа раскинете го тенкиот слој кожа. Треба да го отстраните само белиот дел од мозолчето бидејќи тој дел веќе е умртвен, рече тој.
Доколку ја прободете кожата фронтално, ќе погодите дел што не е умртвен и ќе си предизвикате болка.
Паралелната техника освен што не боли, не нанесува никаква штета на околната здрава кожа.