Пеглањето и фенирањето на косата е рутина која ја практикува речиси секоја жена, но дали истите рутини може да ја уништат косата? Ако не можеш да си го замислиш животот без права коса, тогаш ви нудиме неколку совети преку кои ќе имате ем рамна ем здрава коса.
Пред се, треба да знаете дека преку сушењето, чешлањето, фенирањето и обликувањето се оштетува роговидниот слој на косата. Кутикулите кои се надвор од клетките лесно се одделуваат од влакното при што кератинскиот дел станува подложен на оштетување. Ако не ја третирате косата на правилен начин и продолжувате со оштетување, за брзо време ситуацијата значително ќе се влоши.
За да ја заштите косата од третирањето, секогаш користете некој производ за заштитување на косата од топлината. Тоа може да биде масло, серум или лосион кој одговара на вашиот тип на коса. Прочитајте го упатството за употреба и пред секое пеглање, финирање или обликување користете го производот кој сте го одбрале.
Ако многу ја загревате пеглата тогаш косата за брзо време ќе ви се исправи, но и дупло повеќе ќе ви се оштети. Подобро е да пеглате помали прамени и тоа на пониска температура. На овој начин ќе ја заштите косата и ќе имате уредна фризура.