Некогаш брадата беше заштитен знак на бездомниците и старците кои едноставно се откажале од бричење, како и на уметниците, а денеска таа стана стил кој сите сакаат да го фураат, но само на вистинските фаци тоа им успева.
Веднаш мораме да ги предупредиме сите дами дека следните фотографии можат да предизвикаат сериозни здравствени проблеми и фантазирања од сексуална природа, додека повеќето мажи можат да добијат сериозни напади на љубомора и самосожалување, бидејќи овие бради се екстра во секој поглед.
И додека кај повеќето луѓе ваквата прашума им асоцира на бездомнички живот, неколку среќници можат да ја носат оваа вистинска машка брада и да ја исфураат онака како што таа и заслужува.
Тоа го сфати екипата од Beardbrand, страница која се занимава со сè што е поврзано со растење и одржување на квалитетна брада, но и стајлингот и видот на облеката која оди со тоа, како додатоци од типот на шешир, бастуни за одење (благодарение на хипстерите, сепак има некоја корист и од нив).
Оваа страница покрена Instagram профил посветен на сите оние кои плукаат на крутиот капиталистичко-војнички режим и подобро се чувствуваат како слободноумни скитници.