Покрај празниците, декември го сакаме затоа што тогаш се одржува нашето омилено шоу од модниот свет – шоуто на Victoria’s Secret. Освен што веќе ја знаеме точната дата (2 декември) и кој ќе биде задолжен за музичкиот дел, сега конечно ни ги открија и темите.
Шоуто ќе биде поделено на шест теми:
Нежни Ангели и Егзотични патнички
Бајка и Поспана девојка
Универзумот на розовата боја и Бал на ангелите
Нежните Ангели ќе бидат облечено во златни листови и ќе го отворат шоуто. Егзотичните танчерки ќе не прошетаат низ Монголија, Азија и Индија со накитот и традиционалните симболи. Во делот Бајка ќе бидат претставени ликовите на Шекспир и Браќата Грим. Поспаната девојка ќе не врати назад во 50-тите години, додека Универзумот на розовата боја ќе се сконцентрира на помладите девојки со улични и графити принтови, инспирирани од Џереми Скот, Кензо и Версаче. Шоуто ќе го затвори Балот на ангелите со монохроматски смокинзи и елегантни тоалети.