Една од најголемите модни грешки на црвениот тепих е комбинацијата на тенки црни чорапи со сандали.
Во модниот свет овој спој е апсолутно НЕ, но изгледа дека на Ријана и Рита Ора им е забавно да ги кршат правилата.
Пејачките приредија модно фијаско за време на појавувањето на British Fashion Awards каде РиРи не ги заборави чорапите, но се појави речиси гола, а Ора носеше фустан на кој кројот, кожата и светкавите детали беа споени на најлошиот можен начин.
И Викторија Бекам и Ема Вотсон беа далеку од својот препознатлив стил.
Поранешната Пош Спајс носеше креации од сопствената колекција, џемпер со отворен грб и долго здолниште, додека Ема ја видовме во облека што потполно ја прекри нејзината фигура.
Бекам ја доби наградата за Бренд на годината додека актерката се закити со наградата за стил.
Едни од највпечатливите дами на вечерта беа Кара Делевињ и нејзината пријателка Кендал Џенер кои беа во центарот на вниманието поради префинетите креации, но и поради палавото однесување.