Многу е тешко да дознаеме што мислат мажите, бидејќи секој поединечно има своја перспектива за животот и за тоа како работите би требало да се одвиваат. Но, кога станува збор за понежниот пол, одредени истражувања сепак покажуваат дека мажите повеќе ги привлекуваат одредени особини. Токму заради тие особини, жените кои ги поседуваат им се едноставно неодоливи на мажите. Еве за што се работи:
Пријателство
Повеќето мажи сакаат со својата партнерка да можат да разговараат буквално за сè – за најголемите проблеми и ситуации кои се чинат безизлезни и да добијат поддршка. Оваа особина им е неодолива од причина што знаат дека на тие жени можат безусловно да им веруваат.
Независност
Независната жена е прав магнет за мажите. Овде не станува збор за финансиската независност (иако немаат ништо ни против тоа), туку за жени кои знаат што сакаат во животот - жени кои имаат свои хобија и афинитети и кои не се лесно подводливи. Мажите секогаш им даваат предност на овие жени.
Опуштеност
Повеќето мажи имаат тенденција да реагираат лошо кога е во прашање притисокот. Тие не сакаат да бидат приморани да прават работи против своја волја. Повиците и СМС пораките на секој половина час секако се дел од работите кои не им се допаѓаат. Мажите сакаат нивните партнерки да се опуштени и да не ги присилуваат на било што.
Еднаквост
Факт е дека повеќето „нормални“ мажи ги почитуваат жените и веруваат во еднаквоста и рамноправноста на половите. Повеќе не живееме во времето кога жените морале да бидат дома и да се грижат само за децата и за чистотата во домот. Жените кои се сигурни дека можат да им парираат на мажите во сè и дека се апсолутно рамноправни со нив, всушност се вистински магнети. Таквите жени им даваат на мажите до знаење дека се космополитски, образовани и дека не толерираат неправди.
Разумност
Мудрата жена им е слаба точка на повеќето мажи. Зошто? Затоа што е зрела, знае што сака и го кажува она што и’ е на ум. Покрај тоа, зрелоста ви помага во непријатните ситуации да се однесувате мирно и мудро, без претерано драматизирање. Мажите мразат драми. Ваквиот тип на жени реагираат кога ќе забележат лошо однесување и кажуваат што не им се допаѓа, бидејќи сакаат да ги променуваат работите на подобро.
Култура
Колку вам не ви се допаѓаат груби и прости мажи, толку и на мажите не им се допаѓаат жени без манири. Таквата жена е одбивна за речиси сите мажи. Жената која има манири и знае како да се однесува е привлечна и е пожелно друштво за секој маж, кој со неа ќе сака да се пофали пред другите.