На почетокот од новата 2015-та ви ги претставуваме модните трендови кои ќе бидат актуелни во претстојната година и модните парчиња кои треба да најдат место во вашиот плакар.
1. Различни обетки – добри вести за сите оние кои случајно останале само со една обетка бидејќи еден од трендовите за претстојната година е носењето на обетки кои се различни една од друга.
2. Враќање на It чантите - дизајнерските парчиња никогаш не излегуваат од мода, па во 2015-та брендираните чанти повторно ќе бидат хит помеѓу женската популација.
3. Антилоп – здолништа, капути дури и панталони. Антилопот е нешто што едноставно мора да се најде во вашиот плакар оваа година.
4. Чевли на платформа – без разлика дали станува збор за полна пета или пак на висока потпетица подигната во предниот дел, овие чевли се ин во 2015-та.
5. Карирана памучна ткаенина – розовите и сините бебешки бои се како создадени за овој материјал. Дури и оние кои во принцип не сакаат кариран дизајн ќе успеат да го пронајдат своето модно парче.
6. Опуштени линии – заборавете на строгиот крој и заменете го со подраматичен, слободен и разигран изглед.
7. Бела тантела – невино и секси во едно. Белата тантела привлекува на посебен начин и можеби затоа следната година ќе биде must have модно парче.
8. Фармерки – во 2015-та фармерките влегуваат на голема врата во модниот свет, но ако сакате да бидете навистина тренди обезбедете си неколку пара во темен тексас.
9. Гладијаторки – за летниот период тука се познатите гладијаторки кои во претстојната година доаѓаат во уште поинтересни бои и дизајни.
10. Ѕвонарки – популарни во 70-тите овие панталони повторно се враќаат на модната сцена уште пошик од претходно. Ако имате некој стар пар, сега е вистинското време да го извадите од нафталинот.
