Дали ви се случило да криете дека сте во врска? Покрај тоа што лажете, тоа е и прв индикатор дека работите помеѓу вас и вашиот партнер не се баш розеви. Емоционалното неверство е полошо дури и од физичкото. Но, за разлика од физичкото, тоа често нема јасни граници. Сепак постојат некои мали знаци кои го откриваат емоционалното неверство. Еве кои се тие:
Лажење
Доколку криете дека сте во врска и тврдите дека немате никој, покрај тоа што кажувате невистини, тоа е и прв индикатор дека постои проблем и дека не го почитувате вашиот партнер.
Мечтаење
Не постои човек кој не мечтае. Но, кога тоа мечтаење ќе стане само за една единствена личност (а тоа не е вашиот партнер) и ќе се јавува сè почесто, и тоа е еден од знаците кои алармираат на проблем. Особено доколку во вашата глава си визуелизирате и живот со него.
Допишување
Едно е да се слушнете со некој еднаш во подолг временски период и да размените по некоја порака. Но, константното допишување е нешто сосема друго.
Безопасно флертување
Со било кој, во било која ситуација и тоа пред партнерот. Флертот секако ја подобрува самодовербата, која често во врска знаеме да ја изгубиме, но доколку го правите тоа пред партнерот, станува збор за сигурен знак на негово потценување.
Тајни
Доколку во вашиот живот постои некој на кој му ги откривате вашите најдлабоки тајни и со него разговарате почесто отколку со партнерот, време е да размислите што правите и кон што ве води врската.