На само 19 години, Тони Матичевски, македонски дизајнер кој живее во Австралија, основал сопствен бренд наречен „Матичевски“. Од тогаш не престанал да ги воодушевува модните критичари, а во неговиот дом се наоѓаат бројни награди кои ги има добиено благодарение на својата дарба.
Штета е што повеќето од нас не се запознаени со генијалната работа и постигнувања на овој 35-годишен дизајнер, но неговите креации ги обожуваат Оливија Палермо, Ким Кардашијан и многу австралиски модни блогерки.
Родителите на Тони Матичевски во 1977-та година се преселиле од Македонија во Седон, преградие на Мелбурн во кое е роден дизајнерот.
Тој ја освоил наградата Fashion Group International Award и почнал да работи за Donnа Karan, а потоа, на изненадување на многумина, ја одбил понатамошната соработка тврдејќи дека нејзината мода креативно го исцрпувала.
Се преселил во Париз, каде работел две сезони за Cerruti, а потоа во 1998-та се вратил во Мелбурн, каде во 1999-та, на само 19-годишна возраст, основал сопствен бренд со едноставен назив – „Матичевски“.
Од тогаш нема престанато да ги воодушева модните критичари, а во неговиот дом се наоѓаат бројни награди кој ги има добиено како пофалба за неговата генијалност.
Познат е по волуменозните женствени фустани со силни бои кои го истакнуваат женското тело, па неговите креации маѓепсуваат со својата женственост.
Во неговата последна колекција, наменета за сезоната пролет/лето 2015, Матичевски се има фокусирано на портокаловата, сината, зелената и белата боја, а може да се забележи дека повторно си има поиграно со волуменот и необичните изрази.
Фантастично, зар не? Погледнете повеќе на неговата веб страна.