За да ја одржуваме кожата на лицето здрава, блескава и сјајна, се препорачува еднаш неделно да се нанесува маска за лице.
Во продавниците можеме да најдеме маски за секаква кожа и намена, но најдобро е истите да ги направите дома, така што ќе бидете сигурни дека се здрави за вашата кожа, без никакви хемикалии. Со помош на одредени овошки освежете ја и витализирајте ја кожата на лицето, хранејќи ја со потребните витамини и минерали.
Изберете ја намената која ви е потребна и прочитајте го упатството:
За сите типови на кожа
Направете смеса од 1 рендано јаболко, 2 лажици кисело млеко или направете смеса од само 1 пасирана праска.
За сува кожа
Направете мешавина од половина зрело пасирано авокадо, малку лимонов сок, 1 мала лажичка мед и 1 голема лажица младо кравјо сирење.
Против бори
Направете мешавина од 1 рендано јаболко и 1 жолчка.
За хранење на кожата
Направете мешавина од 1 пасирана зрела банана и 2 лажици маслиново масло.
Идеалното време за нанесување на маска е после туширање, кога лицето е чисто, а неговите пори се отворени. По нанесување, држете ја маската 10-20 минути, а потоа исплакнете го лицето со млака вода.