Во последните неколку години, како што повеќе се истакнува природноста, во мода се вратија силните и густи веѓи, па ретко која жена сè уште ги обликува истите во тенки линии. Благодарение на безбројните туторијали кои можат да се најдат на YouTube, лесно можете да дојдете до совршено обликувани веѓи.
Тајната лежи во дискретно исцртување на веѓите со моливче наменето за нивно истакнување, на нивната надворешна линија. Но, внимавајте да не претерате со неговото нанесување, бидејќи премногу истакнатите веѓи ја губат природноста и делуваат нападно и грубо.
Потоа малку замачкајте ја дискретната линија со прст или четкичка, за да не биде јасно видлива на кожата.
Доколку немате вакво специјално моливче наречено истакнувач (highlighter) за веѓи, набавете го во било која продавница за козметика.
