Отстранувањето на влакната од телото во името на убавината честопати знае да биде мошне болен процес, особено ако сте решиле да ги извадите со помош на восок или шеќерна депилација.
Некои жени преферираат да го одберат полесниот начин користејќи брич или пак посебен крем за оваа намена, а трети воопшто не чувствуваат потреба да се справуваат со влакната.
Една неодамнешна анкета која е спроведена врз повеќе од 5 илјади жени открива интересни детали за отстранувањето на влакната кај жените. Понежниот пол најчесто е незадоволен од брзината со која што растат новите влакна како и болката при самата депилација. Жените не се големи обожаватели ниту на бричевите бидејќи може да предизвикаат исеченици и многу поткожни влакна.
Веѓи –69 проценти од испитаничките ги средуваат влакната на овој дел од лицето
30% ги кубат со пинцета
29% ги отстрануваат со восок
Влакна над горната усна
25% ги депилираат
20 % ги бричат
Бикини зона – за повеќето испитанички ова е највлакнестиот дел од женското тело. Дури 70 проценти од дамите ја средуваат својата бикини зона и тоа:
55 % ја бричат
10 % ја депилираат
5 % користат крем
Нозе- најголем дел од испитаничките користат брич бидејќи добиваат брзи и безболни резултати, за разлика од депилацијата за која е потребно повеќе време.