Креациите на британската дизајнерка Џени Пекам (49) се едни од најпродаваните и најбараните откако војвотката од Кембриџ, Кејт Мидлтон, започна да се појавува во нив. Интересот за Пекам е голем како во родната Британија, така и во прекуокеанските земји, па ако е едно е сосема сигурно, тоа е дека нејзините модели уште долго ќе бидат едни од омилените помеѓу женската популација.
Најновата есенска колекција на Џени, која што беше презентирана на модната недела во Њујорк, е инспирирана од сликите на шпанскиот уметник Raimundo de Madrazo Garreta, а за изработката на некои од фустаните биле потребни и до 4 недели.
-Оваа сезона бев во Мадрид и го посетив Прадо музејот. Бев воодушевена од прекрасните класични слики, жените од кокетното општество биле навистина добро облечени. Мислам дека од тука ја добив идејата за бојата и текстурата, објаснува Пекам.
Дизајнерката се надева дека нејзината последна колекција ќе им се допадне на припадничките на понежниот пол бидејќи една од главните цели и е да ги направи своите клиенти среќни.