Велат дека сите мажи се исти, мамат кога ќе им се укаже прилика и нема да размислат два пати доколку пред себе налетаат на жена која ќе им го направи меракот. Сепак, истражувањата покажуваат дека сите припадници на посилниот пол не се исти. Дали мамат или не, зависи од неколку нешта.
Сопругата е бремена
Сакале или не кога жената е бремена сексот е поинаков од порано. Ограничени сте во поглед на позите, а во доцната бременост воопшто не се препорачува да го практикувате. Во овој период многу мажи паѓаат пред искушението и одат да се испразнат на друго место бидејќи дома не се во можност.
Стресот го зема својот данок
Според истражувањата дури 75 проценти од мажите признале дека ги изневериле своите партнерки и сопруги бидејќи биле под преголем стрес од работното место. Без разлика на тоа колку е стабилна нивната врска или брак, тие велат дека во определен момент почувствувале потреба да избегаат од сè што им се случува.
Само грав нема месо?
Доколку сте во долга врска и ја преживеете 7-мата година од истата, тогаш имате добри шанси да го одржите односот бидејќи најголемиот број на врски и бракови се распаѓаат токму тогаш. Интересно е да се забележи дека повеќето мажи ги изневеруваат сопругите и девојките со жени од работното место.
Комплекс на пониска вредност
Мажите кои финансиски зависат од своите партнерки понекогаш толку тешко го поднесуваат фактот дека поубавата половина заработува повеќе од нив, па бараат потврда за својата машкост кај други жени. Истото важи и за мажите кои заработуваат многу повеќе од своите жени бидејќи тогаш добиваат идеја дека со парите може да купат сè што ќе посакаат.