Костимите за капење кои денес жените ги носат ниту малку не потсетуваат на костимите за капење кои се носеле во 1895-та година. Основната разлика помеѓу костимите за капење од пред 120 години и денешните е тоа што овие денеска имаат многу помалку материјал и откриваат многу повеќе отколку што кријат делови од женското тело.
Така костимите за капење на Коко Остин, Ким Кардашија, Никол Шерцингер, Џенифер Лопез и останатите познати жени на денешницата воопшто не личат на оние кои биле во мода пред 100-на години, па и покасно. Овие костими кои ги гледаме на плажите едноставно не можат да се споредат и со оние од пред 10-на години, пишува Daily Mail.
Што се однесува до пливањето, сурфањето и нуркањето, ништо не се променило, луѓето и пред 120 години уживаа во овие активности во водата. Но сепак, жените не можече да прават ништо друго освен низ водата да се движат држејќи се на јаже или пак да лежат под чадорите.
Костимите за капење ги оневозможувале да прават нешто друго, бидејќи нивната цел била да се сокрие женското тело, па биле многу тешки доколку се намократ.
Жените најчесто носеле костими за капење во црна боја, долги до колена, а тие често имале и лента околу струкот.
Освен тоа, жените често носеле и долги бели чорапи, папучи и капи за капење.
Но, викторијанскиот стил, кој можете да го видите на овие фотографии, на тогашните мажи им бил и тоа како сексапилен и предизвикувачки.
