Проблемот со непријатна миризба на стапалата е многу чест и против него се борат повеќе луѓе отколку што мислите. Иако постојат козметички препарати кои се ефикасни, понекогаш дури и тие не се доволно, па заради тоа потребно е да се обрне внимание на секојдневните навики.
Доколку сакате да се ослободите од непријатниот мирис на стапалата, придржувајте се до следните правила:
1. Носете чевли само од природна кожа, односно оние кои не се поставени со синтетички материјали. Истото важи и за чорапите, кои мора да содржат барем 95 проценти памук.
2. Истите чевли носете ги само два до три дена последователно. Потоа, оставете ги да отстојат два дена на свеж воздух.
3. Користете дрвен калап за чевлите, кој не само што ќе го задржи нивниот облик, туку на себе ќе ја задржи и влагата.
4. Подгответе си посебна купка за стапала. Во водата додадете една до две раце сушена жалфија или една шолја јаболков оцет.
5. Избегнувајте ги агресивните сапуни кои ја сушат кожата и со тоа го поттикнуваат потењето и лачењето на жлездите, заради што и доаѓа до појава на непријатна миризба.