Доколку се предводиме од инспиративните цитати со кои е преплавен интернетот, како и бројните дела од позитивна литература, кои се особено популарни во последно време, ќе примиме само една порака, јасна како ден – држете се настрана од негативните луѓе.
Не велиме дека истата порака не е правилна и нужна за да можеме да бидеме среќни во нашето секојдневие, но сепак не можеме работите толку строго да ги делиме на црно или бело. Еве за што ќе ви послужат негативните луѓе:
Тие ја зборуваат вистината
Негативците воопшто не се обидуваат да ви направат лице, колку да ја задржат атмоферата позитивна и вашите односи на високо ниво. Напротив, тие едвај чекаат да ви ја плеснат вистината во фаца, колку сурово и болно и да звучи. Многу често токму тоа и ни треба за да си ги отвориме очите!
Ве смеат
Мрчалата знаат да бидат многу интересни кога сме во добро расположение. Тие ги даваат најсмешните сурови забелешки од набљудување на околината и имаат моќ да ги уловат најурнебесните моменти.
Во споредба со нив, вие сте животот на забавата
Со контрастот кој го создавате, негативниот пријател до вас само ќе придонесе да се истакне повеќе вашата улога во друштвото и во социјалниот живот, а најмногу на забавите.
Ви ја ставаат во перспектива вашата среќа
Кога сте во друштво на негативни луѓе, почнувате да сфаќате колку всушност сте среќни со начинот на кој го перцепирате светот. Вашиот живот навистина има смисла, за разлика од нечиј друг! Сфаќате дека единствено позитивниот став е клучот за искрена насмевка на лицето, без разлика на периодот во кој поминувате.
После разговорот со нив постои само едно место на кое можете да отидете – а тоа е нагоре!
Што и да правите после дружењето со негативни луѓе, може само да ви биде поубаво и да се чувствувате добро, а сите други луѓе да ви се чинат исклучително љубезни и фини.