Откако Криси Тејген објави фотографија од своите стрии и им покажа на обожавателите дека иако е славна, како и секоја друга жена не е имуна на стрии, жените од сите страни на светот решија да го следат нејзиниот пример постирајќи фотографии од своите несовршени тела.
Тие самоуверено велат: Сакајте си ги своите линии! Тие не се нешто од што треба да се срамите.
Розовите, црвенкастите или кафените бразди по кожата, познати како стрии се јавуваат поради нагло растегање на кожата особено во периодот на бременоста.
Припадничките на понежниот пол не ретко се срамат да се соблечат на плажа и повеќе не се чувствуваат доволно привлечно поради овие бразди кои се јавуваат по целото тело, а најмногу на стомакот и колковите.