Во последно време сè почесто гледаме жени со облини кои започнуваат самоуверено да го покажуваат своето тело и да не му робуваат на клишето дека само слабите девојки се привлечни. Сепак, дали потегот на покажување на облините може да се дефинира како храброст?
Постот и фотографијата на модната блогерка Џесика Кејн за рекордно време добија 60 илјади лајкови и повеќе од 50 илјади споделувања токму поради оваа причина. Еве и зошто...
- ОВА НЕ Е ХРАБРОСТ! Ми велат дека сум била храбра затоа што не сум го прекрила своето тело, но излегувањето без наметка би се сметало за храброст само ако се грижам што другите мислат за мене, а тоа не е мојот случај. Јас го поминувам своето време грижејќи за нештата што можам да ги променам, а денес размислував само на тоа колку одлично се чувствувам и колку сонце ме фати. За таквите нешта треба храброст? Семејство кое се справува со трагична болест, мајка која се бори со зависност, личност која се обидува да се спаси од семејно насилство, некој кој бара помош иако веќе си го испланирал своето самоубиство и се чувствува дека не може да преживее уште еден ден. ТОА е храброст. Не носењето на костим за капење на плажа. ЖИВЕЈТЕ го животот и грижете се само за нештата кои навистина значат.