Сите сакаме да оставиме што подобар впечаток на првиот состанок, особено доколку оној со кој сме излезени ги исполнува нашите критериуми и ни делува како одличен потенцијален партнер. Сакале да признаеме или не, таа борба за да собереме што повеќе поени најчесто вклучува и лажење.
Ова го потврдило истражувањето на еден британски портал, спроведено на 8000 луѓе. Истото открило дека дури две третини од луѓето лажат кога се на прв состанок. 44 проценти од нив ја признаваат својата лага до третиот состанок, а 20 проценти само доколку постои шанса да бидат фатени.
Исто така, мажите и жените се разликуваат по тоа за што лажат. Мажите најчесто создаваат погрешна, односно подобра слика за нивните финансии и својата заработка најчесто ја зголемуваат за 20 проценти, додека жените лажат за годините, па во просек се претставуваат помлади за 4 години.
Но, она што е заедничко и за двата пола е дека често лажат за тоа со што се занимаваат. Мажите најчесто се претприемачи, пилоти и банкари, а жените манекенки, професорки и дизајнерки на ентериер.
Мажите речиси никогаш не лажат за својата старост, ниту за местото на кое пораснале, а кога се работи за припадничките за понежниот пол, тие се најискрени во врска со прашањата за финансиите и поранешните врски.
Она што мажите дефинитивно ќе ги одбие на првиот состанок се чепкањето на телефонот, додека жените истакнале дека не сакаат премногу самоуверени мажи.