Она за што долго се молчеше, сега е обелоденето од страна на научниците. Тие потврдија дека сексот е одличен за вашата кариера и дека истиот ќе ви помогне да добиете унапредување.
Ова правило веројатно не дејствува онака како што замислувате, па затоа продолжете да читате пред да се впуштите во забранетата зона.
Имено, истражувањата покажуваат дека жените кои имаат секс 3-4 пати неделно, заработуваат за 4,5 проценти повеќе за разлика од нивните колешки кои се помалку сексуално активни.
За да не дојде до недоразбирање, треба да се напомене дека сексот овде не се третира како директен фактор, туку индиректен. Тоа значи дека никако не се сугерира да му се пуштите на шефот, туку што почесто да го практикувате сексот со вашиот партнер, надвор од работното место.
Кога ќе размислиме, ова има совршена смисла! Сексот е забавен, не чини ништо, а го поттикнува лачењето на цел коктел од хормони кои нè прават среќни и делуваат позитивно врз целиот организам. Со добро расположение и зголемена самодоверба, ние можеме да поместуваме цели планини, а не пак успешно да ги извршуваме работните обврски. Зголемената самодоверба исто така ќе ни помогне да си го побараме унапредувањето кое го заслужуваме.
Кога ќе погледнеме од еден друг агол, добриот секс има многу заеднички точки со професионализмот. И двете работи се сведуваат на слушање, набљудување, употребување на вокални и невокални знаци и пораки, како и помагање на некој друг, додека истовремено се фокусираме и на себе.
Без разлика дали ќе имате секс во раните утрински часови, кога ќе се вратите од работа или навечер, важно е само да не го прескокнете.