Астронаутите и научниците го направија она што дизајнерите не можеа и им ги скратија маките на жените на оваа планета! Ова се првите чевли на високи потпетици кои се удобни како да носите патики.
Иако има помалку и повеќе удобни чевли со високи потпетици, мора да признаеме дека ниту едни од нив не можеме да ги карактеризираме како навистина пријатни за носење. Токму затоа, Доли Синг, основачка на модно-технолошката компанија Thesis Couture, тврди дека со ангажирање на астронаути, ортопеди и врвни научници во тимот, ја пронашле формулата за удобност.
Имено, со спојување на модата, науката и анатомијата, намесно класична метална конструкција, Доли и нејзините научници избрале квалитетна пластика и полимер, благодарение на кои чевлите би требало да бидат исклучително удобни за носење.
Секако, таа признава дека новите чевли со високи потпетици нема да бидат буквално исто пријатни како да носите патики, но тврди дека жените конечно ќе почувствуваат драматична разлика.
Костурот на чевлите се наоѓа во Сингапур, а кожата за нивната изработка ќе се набавува од Италија и Бразил.
На самиот почеток ќе се продаваат во ограничено издание, а 1500 среќници ќе можат да ги набават на есен оваа година, кога ќе излезат во продажба за прв пат.
Овој удобен изум ќе чини 610 фунти, односно околу 50,5 илјади денари.