Голем број на луѓе ги занемаруваат раните знаци на рак, потпирајќи се на советите на нестручни лица, заради што бараат лекарска помош кога состојбата е прерасната во сериозна смртна закана.
За да не дојдете до ваква несакана ситуација, побарајте помош на време кога ќе забележите некои од следните симптоми на рак кај мажите:
- проблеми со ерекцијата (можен знак на рак на простатата)
- болка и чувство на тежина во слабината, колковите, бутините или стомакот (еден од знаците на рак на простатата е токму постојаната болка во овие делови на телото)
- потекување или израстоци на тестисите, воглавно безболни (можен знак за рак на тестисите)
- рапава кожа на брадавиците, болни брадавици или исцедок од нив (ракот на дојки може да се појави и кај мажите)
- потешкотии при уринирење или други забележани проблеми (рак на простата)
Ракот на простата е еден од почестите видови на здравствени проблеми кај мажите. За да се намали ризикот од неговата појава, експертите препорачуваат почеста ејакулација.
Имено, во досега најопфатното истражување, кое се занимавало со потенцијалната поврзаност помеѓу ејакулацијата и ракот на простата, истражувачите откриле дека мажите кои за време на месецот ејакулираат барем 21 пат имаат за 20 проценти помал ризик од појава на рак на простата, за разлика од мажите кои ејакулирале само 4 до 7 пати месечно.
Ова истражување било спроведено на Harvard Medical School врз 32.000 мажи во текот на 18 години.