Крушите се преполни со нутриенти и имаат огромна хранлива вредност. Одличен извор се на хранливи влакна, а ги содржат витамините А, Б1, Б2, Ц и Е, како и фолна киселина. Богати се со бакар, фосфор и калиум, а содржат и помала количина на калциум, железо и магнезиум. Покрај тоа, поволно влијаат на виталните органи.
Еве зошто не смеете да ја пропуштите сезоната на крушите:
Срце
Крушите се здрави за срцето, а срцевите заболувања се најголемиот причинител за смрт во светот. Само една круша дневно може да ве заштити од мозочен или срцев удар. Крушите се богати со ханливи влакна кои помагаат срцето да остане здраво, но исто така го одржуваат крвниот притисок и го нормализираат нивото на лош холестерол.
Мозок
Ова овошје поволно влијае на мозокот. Само половина круша содржи 15 проценти од дневната препорачана доза на бакар, минерал кој помага во одржување на нервниот систем и ја подобрува менталната сила. Крушите се одличен извор на фруктоза и глукоза, кои помагаат во одржување на енергијата во текот на целиот ден.
Дијабетес
Крушите помагаат во контрола на дијабетесот бидејќи имаат низок гликемиски индекс и на тој начин го спречуваат високото ниво на шеќер во крвта. Ова овошје е одлично и за регулирање на телесната тежина бидејќи е сиромашно со калории, а е богато со хранливи материи кои го забрзуваат процесот на слабеење и го подобруваат имунитетот.
Очи
Високата содржина на антиоксиданси и витамини, ги прави крушите едни од најдобрите намирници кои ги штитат очите. Истражувањата покажале дека редовната консумација на круши значајно го намалува ризикот од макуларна дегенерација.
Спречување на појава на рак
Крушите се идеално овошје за превенција на карциномот. Заради високата концентрација на влакна, крушите го спречуваат формирањето на различни типови на карцином. Антиоксидансите кои ги содржат ги штитат клетките од слободните радикали и содржат киселини кои го спречуваат настанувањето на ракот.