Болката за време на сексуалниот однос не е нешто од кое што треба да се плашите. Понекогаш се случува поради недоволната навлажнетост или пак поради самата секс поза да почувствувате блага болка во вагината и гениталното подрачје. Сепак, кога болката се повторува или пак е пресилна време е да се консултирате со својот матичен гинеколог.
Проблем 1
Тип на болка: остра болка на едната страна од карлицата за време на пенетрацијата и тапа болка за време на месечниот циклус.
Можен проблем: полицистични јајници. Повеќето проблеми од овој тип се безопасни и исчезнуваат со текот на времето. Доколку ситуацијата се повторува консултирајте се со гинеколог, а во меѓувреме обидете се да најдете поза во која помалку ќе ја чувствувате болката.
Проблем 2
Тип на болка: чешање во гениталиите, надразнетост и пречувствителност на допир. По односот вагината е црвена, а вие имате чувство како да гори.
Можен проблем: габична инфекција. Иако кај повеќето жени овие инфекции се пропратени со засилен секрет со специфичен мирис понекогаш сексот може да биде единствениот индикатор дека нешто не е во ред
Проблем 3
Тип на болка: во текот на односот имате чувство дека пенисот удира во нешто. Освен тоа имате болни менструации, па дури и болки во грбот кога уринирате.
Можен проблем: бенигни израстоци на матката односно фиброиди. Гинекологот може да утврди дали ги имате овие израстоци, која е нивната големина и да го определи начинот на нивното лечење.
Проблем 4
Тип на болка: чувство на прободување во гениталиите кое трае подолго време, па дури и предиграта ве боли. Освен тоа имате болки доколку седите подолго време, возите велосипед или ставете тампон.
Можен проблем: вулводинија-болна состојба што може да влијае врз целото генитално подрачје. Проблемите настануваат кога нервите на срамните усни се надразнети и иритирани.
Проблем 5
Тип на болка: болка во вагината и чувство на иритација за време на односот
Можен проблем: недоволно навлажнета вагина. Освен поради недоволната опуштеност вагината може да биде сува и поради користење на антидепресиви, анти-беби пилули, доење, менопауза. Проблемот со сувата вагина можете да го решите со лубрикант на база на вода.
Проблем 6
Тип на болка: за време на односот чувствувате болка во целото подрачје помеѓу колковите или пак имате постојано потреба за уринирање кое е пропратено со пецкање.
Можен проблем: инфекција на уринарниот тракт. Доколку имате хронично воспаление потребно е веднаш да се консултирате со својот гинеколог.