Ладна маргарита на супер жешка плажа звучи како совршен спој, сè додека случајно во невнимание не ви се истури врз кожата. Тогаш навистина може да имате сериозен проблем.
Проблемот настанува поради фитофотодерматитисот односно хемиска реакција кога кожата станува хиперсензитивна на ултравиолетова светлина.
Истата е предизвикана од фотосензитивни состојки кои може да се најдат во цитрусните овошја, во случајов лиметата односно лимонот кој е една од главните состојки за приготвување на овој коктел.
Резултатот е црвенило, чешање, пецкање, а понекогаш и појава на меури.
Затоа ако веќе сте се решиле за еден ваков пијалак на топлото сонце, внимателно! Или пак едноставно најдете си добра сенка и уживајте во моментот без последици.