Интолеранцијата на глутен стана болест на денешницата на која не е имуна ниту една возрасна доба. Со оглед на тоа што отсутноста на можност за варење на глутенот може да доведе и до сериозни компликации, важно е да ги препознаете симптомите и да реагирате на време.
Глутенот претставува дел од белковините кои се наоѓаат во житарките, како што се пченицата, оризот, јачменот и зобот. Но, покрај житарктие, глутенот е составен дел и на бројни производи за широка потрошувачка, како тестенините, разните сосови и додатоци во исхраната, а присутен е и дури во некои кармини за уста.
Болеста интолеранција на глутен се нарекува целијакија. Станува збор за отсуство на можност за варење на оваа состојка, а според последните статистики, се проценува дека 9 од 10 лица кои боледуваат од интолеранција на глутен, не се ни свесни за тоа.
Доколку се сомневате дека и вие спаѓате во оваа група, потребно е да закажете преглед на лекар, со цел да ви се направат потребните дијагностички испитувања.
Еве ги најчестите симптоми на интолеранција на глутен:
- Груба кожа на задната страна на надлактицата. Овој симптом најчесто е предизвикан од недостатокот на фолна киселина и витамин А во организмот, како резултат на што може да се предизвика недоволно разградување на мастите заради оштетувањето на цревата.
- Пречки во дигестивниот систем, подуеност, гасови, дијареа, па дури и затвор. Затворот најчесто се јавува кај децата.
- Вртоглавица, замор, малаксаност и безволност без посебна причина кои доаѓаат до особен израз по консумирање на оброкот кој содржи намирници богати со глутен.
- Хормонален дисбаланс, како силен ПМС, полицистични јајници или необјаснива неплодност.
- Силни главоболки и зачестени мигрени.
- Воспаленија, оток и болки во зглобовите, особено во прстите, колената и колковите.
Доколку препознаете дел од симптомите, испитајте се за присуство на интолеранција на глутен. Во случај да се воспостави токму таква дијагноза, ќе добиете совети за исхрана од лекарот во која оваа состојка е отсутна.
Житарки кои не содржат глутен:
- пченка
- елда
- просо
- интегрален ориз
- амарант
- киноа