Во Библијата маслиновото стебло се споменува повеќе од илјада пати. Иако денес најпопуларниот плод од тоа дрво се самите маслинки, многумина не знаат дека стеблото на дрвото маслинка е исклучително лековито, како и дека неговите листови кријат бројни својства.
Најзначајното соединение кое се наоѓа во листот на маслинката е олеуропеинот, кој поседува исклучително силно антибактериско својство, пренесува порталот „Health“.
Консумацијата на чај од маслинови листови помага за лекување од голем број болести, како воспаление на белите дробови, гонореа, туберколоза, грип, менингитис, хепатит Б, херпес, хроничен замор, атеросклероза, маларија, чир на желудник, дефтерија и енцефалитис.
Исто така, маслиновите листови помагаат при инфекција на мочните канали, а ги спречуваат и инфекциите предизвикани од габички.
Чајот од маслиновите листови исто така помага и за обновување на целокупниот имунитет, но служи и за враќање на енергијата кај измачениот организам, на пример после хемотерапија. Листовите на маслинката се исклучително лековити бидејќи поседуваат антивирусни, антипаразитски, антибактериски и антифугални својства, преку кои во потполност можат да излекуваат голем број заболувања.
Рецепт за чај:
За една шолја чај од 200-300 мл потребни ви се 15-20 исушени листови од маслинка. Листовите ставете ги во зовриена вода и продолжете да варите уште 2-3 минути, а потоа оставете ги да отстојат во водата уште 10 минути, па извадете ги.
Чајот можете да го пиете ладен или топол, со мед, со лимон или без ништо. Овој лековит напиток треба да го консумирате секој ден за да почувствувате подобрување од различните заболувања.
Се препорачува истиот да се пие и превентивно, со цел да ја спречите појавата на наведените болести. Листовите за чај најдобро е да се берат на пролет, кога се млади, да се измијат и да се исушат на воздух. Чувајте ги во затворен сад засолнет од сончева светлина.