Колку пати ве советувале постарите на болното место да ставите лист од зелка со образложение дека „не постои нешто што тој не може да го излечи“? Можеби немале научни факти за поткрепување на нивното тврдење, но тие навистина биле во право, а тоа го докажуваат бројните истражувања.
Зелката е една од најмоќните намирници кои ни се достапни, заради што треба задолжително да ја внесете на вашето мени. Има силно антиоксидативно, антиканцерогено и антибактериско дејство, особено доколку се консумира во свеж облик.
Ви препорачуваме да го испробате следниот моќен напиток, кој ја комбинира зелката со сок од алое вера (кој можете да го набавите во секоја продавница за здрава храна), ѓумбир и нане, кои даваат одличен вкус.
Состојки:
- 200 мл сок од алое вера
- ¼ главица свежа зелка
- 1 чајна лажица изрендан ѓумбир
- по желба: неколку свежи ливчиња нане, половина краставица
Подготовка
Сите состојки додадете ги во блендер и миксајте додека не добиете хомогена смеса. Добиениот напиток испијте го свеж.
Придобивки
- Ја потикнува детоксикацијата на телото. Благодарение на глукозинолатимот, соединение кое се наоѓа во зелката, овој напиток му помага на организмот да ги изфрли штетните материи кои му создаваат здравствени проблеми.
- Ја лекува кожата. Зелката содржи фитохемикалии, антиоксиданси и витамини А, Ц и Е, кои прават чуда за нашата кожа. Ја хидратизираат сувата кожа, го намалуваат излачувањето кај масната кожа и ги ублажуваат воспалените акни.
- Благотворно делува на дигестивниот систем. Напитокот од свежа зелка ја олеснува работата на комплетниот дигестивен тракт така што го поттикнува варењето на храната и го спречува затворот. Го ублажува чирот на желудникот и ја зајакнува желудочната обвивка.
- Го редуцира лошиот холестерол. Доколку имате проблеми со висок холестерол, особено со оној лошиот, зелката ќе ви биде од особена помош бидејќи не содржи масти, а богата е со фитостеролим и растворливи влакна, кои се важен сојузник во борбата против холестеролот.
- Помага за слабеење. Зелката е намирница со минимална количина на калории, заради што е одлична за сите диети. Една голема зелка од која можете да направите салата за целото семејство содржи околу 250 калории. Богата е со влакна кои го контролираат апетитот и го стабилизираат нивото на шеќер во крвта.