Кога станува збор за прехранбените вредности на одредени плодови, често се заборава на модриот патлиџан. Токму оваа намирница е одлична за нашето здравје бидејќи содржи големи количини на разни нутриенти кои придонесуваат за добра состојба на организмот. Во продолжение дознајте зошто би требало почесто да го вклучувате модриот патлиџан во вашата исхрана:
Во себе содржи минерали потребни за различни телесни функции. Содржи калциум кој е добар за нашите коски и заби, како и железо, што значи дека модриот патлиџан е намирница која помага во создавање на црвени крвни зрнца, кои го транспортираат кислородот низ целото тело.
Лушпата на модриот патлиџан содржи фитонутриенти. Истите, помеѓу останатото, ја подобруваат циркулацијата на крвта, а исто така помагаат мозокот подобро да функционира.
Диеталните влакна во модриот патлиџан ја поттикнуваат дигестијата и ги исфрлаат токсичните материи од дигестивниот систем. Редовната консумација на модрите патлиџани спречува затвор. Заради големите количини на влакна, овој зеленчук исто така помага и во намалување на лошиот холестерол и нормализирање на крвниот притисок.
Доколку сакате да ослабете, тогаш задолжително консумирајте ја оваа намирница. Имено, истата не содржи масти, а не е богата ниту со калории. Заради својот состав, модриот патлиџан нè држи сити подолго време.
Дијабетичарите и луѓето кои имаат проблеми со шеќерот во крвта им се препорачува да консумираат модар патлиџан бидејќи истиот не содржи многу јаглехидрати, благодарение на што помага во ублажување на тие здравствени состојби.